Konan sem bjargað var úr Silfru á Þingvöllum á mánudaginn eftir að hafa misst meðvitund í köfunarferð er á batavegi.
Konan var flutt með þyrlu Landhelgisgæslunnar á Landspítalann og eftir því sem best er vitað er hún þar enn en er öll að braggast.
Sveinn Kristján Rúnarsson, yfirlögregluþjónn hjá lögreglunni á Suðurlandi, segir við mbl.is að rannsókn málsins standi enn yfir en konan, sem er á sjötugsaldri, var í köfunarferð á vegum ferðaþjónustufyrirtækis.