Vill að þingmaður Framsóknar verði rannsakaður

Haukur Arnþórsson stjórnsýslufræðingur telur að þingmaður Framsóknar hafi staðið frammi fyrir hagsmunaárekstrum við meðferð breytinga á búvörulögum í vor.

Hefur hann sent erindi, sem hann segir vera kæru, til forsætisnefndar Alþingis um brot á siðareglum fyrir Alþingismenn.

Í bréfinu er óskað eftir rannsókn á því hvort Þórarinn Ingi Pétursson, þingmaður Framsóknar og formaður atvinnuveganefndar, hafi staðið frammi fyrir hagsmunaárekstrum við meðferð búvörulagabreytinganna á s.l. vori, og einnig umboðsvanda og freistnivanda.

Frétt af mbl.is

Kaupfélag Skagfirðinga kaupir Kjarnafæði Norðlenska hf.

Búvörulögin gerðu kaupin möguleg

„Með bréfi þessu óska ég undirritaður eftir að Alþingi taki til athugunar hvort Þórarinn Ingi Péturs­son, alþingismaður og formaður atvinnuveganefndar þings­ins, hafi með þátt­töku sinni í þinglegri meðferð búvörulaganna í vor leið (505. mál á 154. löggjafarþingi, sem varð að lögum nr. 30/2024) gerst brotlegur við Siðareglur fyrir alþingismenn,“ segir í bréfinu.

Þór­ar­inn á 0,8% hlut í Bú­sæld ehf., sem á rúm­lega 43% hluta­fjár í Kjarna­fæði Norðlenska hf..

Skömmu eftir að búvörulögin voru samþykkt var tilboð Kaupfélags Skagfirðinga um kaup á allt að 100% hlutafjár í Kjarnafæði Norðlenska hf. samþykkt. Búvörulögin gerðu umrædd kaup möguleg.

Frétt af mbl.is

Segir það styrk að hafa bónda á þingi

Ekki íhugað að lýsa yfir vanhæfni

Í bréfi Hauks eru leidd að því rök að Þórarinn hafi staðið frammi fyrir hagsmunaárekstrum, freistnivanda og umboðsvanda og að hann hefði átt að bregðast öðruvísi við en hann gerði.

Þá segir í bréfinu að Þórarinn hafi í víðara sjónarhorni ekki axlað ábyrgð sína sem þingmaður og „niðurlægt þingræðið“.

Frétt af mbl.is

„Þetta lá fyrir allan tímann“

Þór­ar­inn seg­ist ekki hafa íhugað að lýsa yfir van­hæfi er at­vinnu­vega­nefnd lagði til um­deild­ar breyt­ing­ar á bú­vöru­lög­um, sem gera um­rædd kaup mögu­leg.

„Þetta lá fyr­ir all­an tím­ann, að við hjón­in ætt­um þenn­an eign­ar­hlut í þessu eign­ar­hluta­fé­lagi sem á í Kjarna­fé­lagi Norðlenska,“ sagði Þór­ar­inn í sam­tali við mbl.is.

• Blogga um frétt