„Draumórar“ að þurfa ekki að gera málamiðlanir
Setja bókamerki
„Við látum skoðanakannanir ekki stjórna störfum okkar, en leiðum þær heldur ekki hjá okkur eða reynum að gera lítið úr þeim,“ sagði Bjarni Benediktsson forsætisráðherra á flokksráðsfundi Sjálfstæðisflokksins.
Fundurinn hófst klukkan 13 á Nordica hótel og er sá fjölmennasti frá upphafi. Búist er við líflegum umræðum á fundinum en fylgi flokksins hefur dalað mikið á undanförnum mánuðum og hefur raunar aldrei verið lægra.
Saga vinstriflokka sýni að sundurleitni nái ekki árangri
„Fylgið hefur lækkað og er óviðunandi og við því verður að bregðast,“ sagði Bjarni í upphafi ávarps síns.
„En kannanir eru ekki forlög eða óumflýjanleg niðurstaða. Það sanna dæmin, síðast frá nýliðnum forsetakosningum, að skoðanakannanir gefa vísbendingu um stöðuna á einum tímapunkti. En þær eru ekki ávísun á niðurstöðu í kosningum.“
Hann sagði mikilvægt að Sjálfstæðismenn snúi bökum saman og nái tökum á stöðunni enda næði sundurleitur og ósamstæður hópur ekki árangri. Um það vitnaði saga vinstriflokka á Íslandi.
Hlaupast ekki undan merkjum
Vék formaðurinn þá máli sínu að ríkisstjórnarsamstarfinu sem hefur óneitanlega sætt gagnrýni í samfélaginu og innan stjórnarflokkana. Hann standi með sinni ákvörðun um það samstarf.
Í slíku samstarfi hlaupist Sjálfstæðismenn síður en svo undan merkjum þótt á móti blási.
„Það eru ekkert annað en draumórar að halda að við getum setið í ríkisstjórn án málamiðlana. Hér hefur aldrei verið eins flokks ríkisstjórn og stefna eins flokks aldrei ráðið allri ferðinni.“
„Hér eru tveir flugvellir“
Félagsmenn Sameykis talað fyrir úrsögn úr BSRB
„Afar skemmtilegt verkefni“
Svandís: Skuli stefnt að kosningum í vor
„Viljum ekki að þjónustan sé svona“
Skrifar um ást og sorg í lífi Jónasar