Millilandaflugvél af gerðinni Boeing 757 sótti og flutti farþega til Akureyrar í dag vegna bilunar sem kom upp í innanlandsflugvél Icelandair.
Þetta segir Ásdís Ýr Pétursdóttir upplýsingafulltrúi Icelandair í samtali við mbl.is.
„Við settum upp aukaflug í dag vegna niðurfellingar í gær vegna veðurs. Það kemur upp bilun í einni af innanlandsvélunum okkar og þá tókum við ákvörðun um að setja Boeing 757 þotu til þess að koma farþegunum á leiðarenda í dag,“ segir Ásdís.
mbl.is greindi frá því í gær að Icelandair hafði fellt niður flug vegna veðurs en gular veðurviðvaranir voru í gildi víðsvegar um landið í gær.