Enn er rafmagnslaust í Vesturbæ Hafnarfjarðar. Verið er að grafa niður að biluninni.
Þetta kemur fram í Facebook-færslu HS Veitna.
Rétt fyrir klukkan níu í morgun varð rafmagnslaust í hluta Hafnarfjarðar og á Álftanesi vegna bilunnar. Rafmagn komst á um hálftíma síðar alls staðar nema í Vesturbæ Hafnarfjarðar.
Í færslunni segir að verið sé að grafa niður að biluninni og í kjölfarið verður unnið að viðgerð á strengnum.