Fengu ábendingar um hefndaráform
Setja bókamerki
Mikil viðvera lögreglu á hátíðinni Í túninu heima í Mosfellsbæ í gærkvöldi tengdist orðrómi um mögulegar hefndaraðgerðir vegna stunguárásarinnar á Menningarnótt sem leiddi til andláts sautján ára stúlku, Bryndísar Klöru Birgisdóttur.
Þetta staðfestir Hjördís Sigurbjartsdóttir, aðstoðaryfirlögregluþjónn, en hún segir orðróminn ekki tengjast atburðum föstudagskvöldsins þar sem hnífi var beitt í líkamsárás á hátíðinni.
„Það gerist á föstudagskvöldinu, orðrómurinn var að það myndi eitthvað gerast um laugardagskvöldið.“
Aðspurð segir hún lögreglu ekki telja árásina á föstudagskvöldið og árásina á Menningarnótt tengjast.
Orðrómurinn óljós
Hún tekur fram að orðrómurinn hafi verið afar óljós og fyrst byrjað að berast lögreglu af einhverju viti á laugardaginn. Ábendingar hafi ekki beinst að tilteknum einstaklingum.
Lögregla hafi verið með mikla viðveru á hátíðinni í kjölfarið í samstarfi við skipuleggjendur, gæsluliða og Flotann - flakkandi félagsmiðstöð, sem hafi verið afar sýnileg á staðnum.
„Allir sem að þessu koma juku bara aðeins við og við teljum að það hafi orðið til þess að þetta fór vel fram,“ segir Hjördís.
Dýrmætt sakleysi sem kostaði Bryndísi Klöru lífið
Gerbreytt staða hælisleitarmála
„Vandamálið er ekki fólkið hérna inni“
Hinn almenni Íslendingur tengi ekki við flokkinn í dag
Tveir stungnir í gistiskýlinu á Granda
Mun lækka fasteignaverð þrátt fyrir hærra lóðaverð
Ísland verði ekki að „fyrirheitnu landi hælisleitenda“
