Beita sér gegn stækkun byggðar

Í nýjasta þætti Spursmála sagði Ásdís Kristjánsdóttir bæjarstjóri Kópavogs frá því að forsvarsmenn Reykjavíkur beittu sér gegn því að vaxtarmörk höfuðborgarsvæðisins stækkuðu umfram svæðisskipulag frá árinu 2015, en samkvæmt því geta einstaka sveitarfélög beitt neitunarvaldi gegn mögulegum breytingum á mörkunum.

Frétt af mbl.is

Vill færa út mörkin

Í samtali við Morgunblaðið segir Rósa Guðbjartsdóttir bæjarstjóri Hafnarfjarðar að í fyrra hafi bæjarráð samþykkt og falið umhverfis- og skipulagsráði að undirbúa tillögu að útvíkkun svæðisskipulags höfuðborgarsvæðisins með aukna íbúðabyggð í Hafnarfirði að markmiði.

Tillagan hefur ekki enn verið formlega lögð fyrir vegna þess að beðið er eftir hættumati vegna eldgosa og jarðskjálfta á höfuðborgarsvæðinu og uppfærðu aðalskipulagi, en áformin hafa þó verið rædd á fundi svæðisskipulagsnefndar höfuðborgarsvæðisins.

Lesa má meira um málið í Morgunblaðinu í dag.