Vara sæfarendur við borgarísjökum

Sæfarendur á Grænlandssundi ættu að vera á varðbergi en líklegt er að stakir borgarísjakar séu á svæðinu.

Þetta kemur fram í hafísartilkynningu frá Veðurstofu Íslands.

Ef litið er yfir hafísatilkynningar stofunnar síðustu 30 daga má sjá að reglulega hefur verið varað við borgarísnum á svæðinu.

Á mánudag síðustu viku greindi Veðurstofan frá því að borgarísjakarnir á svæðinu gætu færst nær landinu undir lok vikunnar vegna suðvestanáttar. Um nýliðna helgi var þó austanátt og því talið að borgarísinn myndi fjarlægjast strendur Íslands á ný.

• Blogga um frétt