Reykræsta þurfti íbúð í fjölbýlishúsi í Ljósheimum í Reykjavík á áttunda tímanum í morgun.
Að sögn varðstjóra hjá slökkviliðinu á höfuðborgarsvæðinu hafði íbúi þar gleymt sér við eldamennsku, en það var nágranni sem lét vita af reyknum.
Slökkviliðið sinnti einnig olíuhreinsun við hringtorg hjá Rauðavatni laust fyrir klukkan 10 í morgun. Ekki er vitað hvaðan olían kom.