Veðurstofa Íslands hefur gefið út gular viðvaranir vegna veðurs. Eru þær í gildi í dag og á morgun. 

Suðvestan hvassviðri eða stormur er á norðanverðu Snæfellsnesi fram eftir degi. Gul viðvörun tók gildi klukkan átta í morgun við Breiðafjörð og verður að öllu óbreyttu í gildi til klukkan 15 í dag.

Í ábendingum frá veðurfræðingi Vegagerðarinnar er varað við snörpum vindhviðum á norðanverðu Snæfellsnesi. 

Fólk hvatt til að huga að lausamunum

Á morgun er spáð suðvestan hvassviðri eða stormi á norðanverðu landinu. Verða gular viðvaranir í gildi á Vestfjörðum, Ströndum og Norðurlandi vestra, Norðurlandi eystra og Miðhálendinu.

Vindhviður gætu náð 35 m/s á Vestfjörðum og Norðurlandi en allt að 40 m/s á miðhálendinu.

Fyrsta viðvörunin tekur gildi klukkan átta í fyrramálið og verður í gildi til klukkan 21, samkvæmt vefsíðu Veðurstofunnar.

Fólk er hvatt til að tryggja lausamuni utandyra. Þá eru ökumenn bifreiða sem verða óstöðugar í vindi varaðir við.

Tengdar fréttir

Veður

Holtavörðuheiði lokuð og flughálka á nokkrum vegum

• Holtavörðuheiðinni lokað í kvöld
• Skoða ráðstafanir vegna mikillar kuldaspár
• Skemmdir í Bláfjöllum eftir veðrið
• Éljagangur en síðan slydda eða rigning

» Fleiri tengdar fréttir

• Blogga um frétt