Karlmaður var handtekinn í hverfi 104 í Reykjavík vegna líkamsárásar. Hann var vistaður í fangageymslu lögreglunnar. Meiðsli voru minniháttar.
Í hverfi 105 í Reykjavík var tilkynnt um rúðubrot. Einn maður í annarlegu ástandi var handtekinn og vistaður í fangageymslu.
Tilkynnt var um innbrot og þjófnað úr bifreið í hverfi 220 í Hafnarfirði. Gerandinn er ókunnur.
Tveir ökumenn voru stöðvaðir í Breiðholti fyrir að virða ekki stöðvunarskyldu og voru málin afgreidd með sekt.
Ökumaður var stöðvaður við akstur í hverfi 203 í Kópavogi, sviptur ökuréttindum. Hann var sektaður, að því er segir í dagbók lögreglunnar á höfuðborgarsvæðinu vegna verkefna frá klukkan 17 í gær til kl. 5 í morgun.
Tveir ökumenn voru stöðvaðir í hverfi 105 í Reykjavík grunaðir um akstur undir áhrifum, annar þeirra undir áhrifum fíkniefna en hinn áfengis.