Kartöfluakrar á kafi í Hornafirði

Talsvert tjón hefur orðið á kartöfluökrum bænda í Hornafirði, en um síðustu helgi rigndi talsvert á þeim slóðum, sem olli miklum vatnavöxtum.

Þetta er ekki í fyrsta sinn sem þetta gerist, en Morgunblaðið greindi frá því fyrir fáeinum vikum að flætt hefði yfir ræktarlönd bænda með tilheyrandi tjóni.

Frétt af mbl.is

Tjón á kartöfluökrum vegna flóða

Vatn safnast fyrir

Ástæður þessa segir Eiríkur Egilsson bóndi á Seljavöllum vera þær að þegar miklar rigningar ganga yfir hamli framkvæmdir við vega- og brúargerð sem nú standa yfir í Hornafirði því að náttúrulegt útrennsli Hoffellsár og Laxár á Nesjum skili vatninu til sjávar.

Vatn safnist fyrir ofanvert við brúna og færi nærliggjandi akra á kaf.

Lesa má meira um málið í Morgunblaðinu í dag.