Aðra skútu rak upp í fjöru á Ísafirði

Aðra seglskútu rak upp í fjöruna við Pollgötuna á Ísafirði nú á þriðja tímanum í dag en í morgun slitnaði seglskúta frá legufæri og rak upp í fjöruna í miklu hvassviðri sem er á Vestfjörðum.

Pollgata er lokuð að hluta, eða frá hringtorgi að innkeyrslu við verslunarmiðstöðina Neista, en sjór hefur gengið yfir götuna. 

Frétt af mbl.is

Seglskútu rak upp fjöru í hvassviðri

Jón Þór Víglundsson, upplýsingafulltrúi Landsbjargar, segir við mbl.is að búið sé að kalla út björgunarbátinn Kobba Láka frá Bolungarvík. Hann er á leiðinni í Vigur þar sem mannlaus bátur er við bryggju og er óttast að hann geti sokkið.

Jón Þór segir að þak hafi fokið af húsi í Bolungarvík en mikið hvassviðri er á Vestfjörðum og gular viðvaranir í gildi á þeim slóðum. 

• Blogga um frétt