„Ennþá að bíða eftir að fá peningana“

Engin hlutdeildarlán hafa verið afgreidd frá því í vor þar sem Húsnæðis- og mannvirkjastofnun bíður enn eftir að fá meira fjármagn frá ríkissjóði fyrir frekari lánveitingar.

HMS lokaði fyrir umsóknir um hlutdeildarlán í maí þar sem lánsfjárheimildir voru þá fullnýttar. Vonast var til að hægt yrði að opna fyrir úthlutun í júní þegar Alþingi hefði samþykkt auknar lánsfjárheimildir.

Þingið hækkaði heimildina í 23. júní um einn milljarð en fjármunirnir hafa enn ekki borist svo hægt sé að hefja afgreiðslu lána á nýjan leik.

„Við erum ennþá að bíða eftir að fá peningana til okkar til þess að geta opnað aftur,“ segir Anna Guðmunda Ingvarsdóttir aðstoðarforstjóri HMS. 

Lesa má meira um málið í Morgunblaðinu í dag.