Björgunarfélag Hornafjarðar og Björgunarsveitin Kári í Öræfum hafa verið kallaðar út vegna manns sem er í sjálfheldu á Kastárfjalli. Þá hefur þyrla Landhelgisgæslunnar einnig verið ræst út með fjórum liðsmönnum björgunarsveita af höfuðborgarsvæðinu.
Þetta upplýsir Jón Þór Víglundsson, upplýsingafulltrúi Landsbjargar, í samtali við mbl.is
Segir hann að um sé að ræða einn einstakling sem hafi verið að klífa á vinsælum klifurleiðum fjallsins sem er austur á Stokksnesi, austan við Höfn í Hornafirði, og virðist sem einstaklingurinn hafi runnið í eggjagrjóti.
Maðurinn er ekki talinn vera alvarlega slasaður.
Segir Jón Þór að Björgunarfélag Hornafjarðar sé komið nálægt fjallinu og þá séu sjúkraflutningamenn komnir upp að því.