„Það er bálhvasst hérna“

Varðskipið Þór er nú á leiðinni vestur á Hornstrandir vegna neyðarkalls sem þaðan kom. Helgi Jensson, lögreglustjóri á Vestfjörðum, segir hvassviðri vera mikið á Vestfjörðum og að búið sé að virkja aðgerðastjórn almannavarna.

„Það er bálhvasst hérna og stendur út fjörðinn,“ segir lögreglustjórinn.

„Ein skúta fór upp í morgun og hún náðist. Það er önnur skúta laus og er upp í fjöru núna og við höfum áhyggjur af þeirri þriðju.“

Nefnir Helgi að of hvasst sé til að bjarga skútunni eins og er.

Frétt af mbl.is

Aðra skútu rak upp í fjöru á Ísafirði

Neyðarkall frá Hornströndum

Að hans sögn er búið að virkja aðgerðastjórn og þá er varðskipið Þór á leiðinni vestur vegna neyðarkalls sem barst frá Hornströndum.

„Það kom neyðarkall en við vitum ekki hver neyðin er. Við höfum ekki náð sambandi við þá í rauninni þannig við getum ekki sagt mikið um það.“

Segir hann lögreglu fylgjast með þróun mála. Vonast er til að fólkið á Hornströndum sé í húsi og allt sé í lagi en Helgi tekur fram að ekki sé auðvelt að komast á staðinn vegna veðurs.

Frétt af mbl.is

Þór á leið til aðstoðar á Hornströndum

• Blogga um frétt