„Unnið í samstarfi við barnaverndaryfirvöld“
Setja bókamerki
/frimg/1/52/51/1525122.jpg)
Mál tveggja 16 ára pilta sem voru handteknir fyrir vopnað rán og að hafa ráðist að 15 ára gömlum dreng með hnífi og hnúajárni í Álfheimum undir lok síðasta mánaðar er enn til rannsóknar hjá lögreglu.
Þetta segir Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, við mbl.is.
Piltarnir tveir komust yfir muni drengsins sem þeir réðust að og stálu frá honum vespu sem hann á. Þeir voru í samráði við barnavernd vistaðir í fangageymslu en var sleppt að lokinni yfirheyrslu.
„Þetta mál er til rannsóknar hjá okkur. Við erum með grunaða aðila sem voru handteknir og vinna er í gangi með þetta mál í samstarfi við barnaverndaryfirvöld sem voru upplýst um það. Málið fer svo bara áfram sína leið í kerfinu,“ segir Ásmundur Rúnar við mbl.is.
„Á allt sitt undir því að njóta trausts almennings“
Lítil snjóflóð fallið og vegum lokað á Vestfjörðum
Leiðindaveður yfir jólahátíðina
„Átti von á fleiri útköllum“
Tilfellum RS-veiru fjölgar verulega
Fyrsti ríkisstjórnarfundurinn hafinn
Gular viðvaranir í dag og á morgun
Íslendingar vanir að klæða sig vel