Jarðhitaleit heldur áfram að bera árangur

Jarðhitaleit á Selfossi er að bera árangur en í lok ágúst var staðfest að holan við Sóltún væri með vatn í vinnanlegu magni.

Þetta kemur fram í tilkynningu á vef Árborgar.

Vegna mik­ill­ar fólks­fjölg­un­ar í Árborg að und­an­förnu er hita­veit­an í bæn­um kom­in að þol­mörk­um og því hafa jarðhitaleitanir staðið yfir í einhvern tíma.

Frétt af mbl.is

Styrkur Ölfusárbrúar í athugun

Holan við Sóltun ber vinnuheitið SE-46 (Selfoss 46) en hinar tvær sem einnig heppnuðust eru SE-45 og SE-40 en sú síðastnefnda kemst í nýtingu á næstu vikum. Tölvuteikning/Árborg

Þrjár jarðhitaboranir skilað árangri

Í tilkynningunni kemur fram að jarðhitaleit hafi gengið vel að undanförnu en á skömmum tíma hafa þrjár jarðhitaboranir skilað góðum árangri. 

Holan sem um ræðir núna ber heitið Selfoss 46 og er um 900 metra djúp. Búið er að afkasta- og hitamæla hana og benda fyrstu tölur til að hún skili um átta lítrum á sekúndu af yfir 80 gráðu heitu vatni.

Holan var boruð með jarðbornum Freyju frá Ræktunarsambandi Flóa og Skeiða en ISOR (Íslenskar orkurannsóknir) sáu um rannsóknir og ráðgjöf.

• Blogga um frétt