Gert er ráð fyrir að innleiðing á svokölluðu menningarframlagi muni hefjast á árinu 2025 og að það fari að skila Kvikmyndasjóði fjármunum á árinu 2026, en áætlað er að framlagið muni skila sjóðnum 260 milljónum á ári.

Með menningarframlaginu verður lögfest ný skylda á hendur streymisveitum til að greiða fjárframlag, sem rennur til Kvikmyndasjóðs, og nemur að hámarki 5% af áskriftartekjum af starfsemi streymisveitunnar á Íslandi á ársgrundvelli eða skyldu til að fjárfesta með beinum hætti í framleiðslu í innlendu hljóð- og myndefni.

Þetta kemur fram í tilkynningu frá menningar- og viðskiptaráðuneytinu. 

Tekið er fram, að streymisveitur sem uppfylla skilyrði um lágmarksfjárfestingu í framleiðslu á íslensku efni verði því undanþegin framlaginu. Bent er á að ýmis ríki í Evrópu hafi innleitt svipað fyrirkomulag til þess að efla innlenda menningu og tungu.

Frétt af mbl.is

Streymisveitur munu þurfa að greiða menningarframlag

Tengdar fréttir

Fjárlög 2025

Aukinn varnartengdur stuðningur við Úkraínu

• Mun ekki grípa fram fyrir hendur Seðlabankans
• Milljarða taprekstur á næstu árum
• Sigurður: Komumst í mark á næstu mánuðum
• Kostnaður vegna fangelsis tvöfaldast

» Fleiri tengdar fréttir

• Blogga um frétt