Innlent | mbl | 11.9.2024 | 11:36

Hvað segir Bjarni?

Bjarni Benediktsson forsætisráðherra á Alþingi. mbl.is/Eyþór

Umræðum um stefnuræðu forsætisráðherra verður útvarpað og sjónvarpað í kvöld klukkan 19.40.

Strax að loknum umræðum verður bein útsending úr Alþingishúsinu á RÚV þar sem sérfræðingar fjalla um það sem fram kemur í umræðunum.

Umræðurnar skiptast í tvær umferðir. Forsætisráðherra hefur 12 mínútur til framsögu en aðrir þingflokkar en þingflokkur forsætisráðherra hafa sex mínútur í fyrri umferð. Í seinni umferð hafa þingflokkarnir sex mínútur hver, að því er kemur fram í tilkynningu.

Röð flokkanna og ræðumenn þeirra:

Sjálfstæðisflokkur
Bjarni Benediktsson forsætisráðherra í fyrri umferð
Þórdís Kolbrún R. Gylfadóttir utanríkisráðherra í seinni umferð
Samfylkingin
Kristrún Frostadóttir, 3. þingmaður Reykjavíkurkjördæmis suður, í fyrri umferð
Þórunn Sveinbjarnardóttir, 8. þingmaður Suðvesturkjördæmis, í seinni umferð.
Flokkur fólksins
Inga Sæland, 7. þingmaður Reykjavíkurkjördæmis suður, í fyrri umferð
Tómas A. Tómasson, 9. þingmaður Reykjavíkurkjördæmis norður, í seinni umferð
Framsóknarflokkur
Sigurður Ingi Jóhannsson, fjármála- og efnahagsráðherra, í fyrri umferð
Lilja Alfreðsdóttir, menningar- og viðskiptaráðherra, í seinni umferð
Píratar
Halldóra Mogensen, 3. þingmaður Reykjavíkurkjördæmis norður, í fyrri umferð
Andrés Ingi Jónsson, 10. þingmaður Reykjavíkurkjördæmis norður, í seinni umferð
Vinstrihreyfingin – grænt framboð
Guðmundur Ingi Guðbrandsson, félags- og vinnumarkaðsráðherra, í fyrri umferð
Svandís Svavarsdóttir innviðaráðherra í seinni umferð
Viðreisn
Þorgerður Katrín Gunnarsdóttir, 5. þingmaður Suðvesturkjördæmis, í fyrri umferð
Hanna Katrín Friðriksson, 8. þingmaður Reykjavíkurkjördæmis suður, í seinni umferð
Miðflokkurinn
Sigmundur Davíð Gunnlaugsson, 7. þingmaður Norðausturkjördæmis, í fyrri umferð
Bergþór Ólason, 8. þingmaður Norðvesturkjördæmis, í seinni umferð.