Virða ekki verndaráætlun

Greint var frá því í Morgunblaðinu í gær að um eitt hundrað athugasemdir bárust í skipulagsgátt vegna tillögu um breytingu á deiliskipulagi svæðisins. Breytingin felur í sér að deiliskipulagssvæðið er stækkað til norðvesturs þannig að það nái yfir lóð Veitna við Klettagarða 14 og yfir stækkun á landfyllingu Klettagarða.

Fjölmargir íbúar á svæðinu lýstu óánægju með að hrófla eigi við ósnortinni náttúru í fjörunni og skerða útsýni til Viðeyjar.

Merkilegt menningarlandslag

Í umsögn sinni segir Minjastofnun Íslands að nauðsynlegt sé að vekja athygli á því að fyrir Laugarnes sé í gildi verndaráætlun sem bæði borgarráð og borgarstjóri Reykjavíkurborgar staðfestu 25. ágúst 2016. Þar segi meðal annars að náttúrufarið á Laugarnesi geri svæðið einstakt í Reykjavík þar sem hægt sé að horfa yfir nesið og út í Viðey án truflunar frá mannvirkjum nútímans. „Mikilvægt er að halda í þetta merkilega menningarlandslag, samspil náttúru og minja, sem hvergi er að finna annars staðar í Reykjavík,“ segir í verndaráætluninni frá 2016.

Umfjöllunina má nálgast í heild sinni í Morgunblaðinu í dag.