Keyrði niður varnarslá á Miklubraut

Lögreglan á höfuðborgarsvæðinu sinnti útkalli rétt fyrir klukkan sex síðdegis þar sem ökumaður keyrði niður varnarslá á Miklubraut. Engin slys urðu á fólki eða tjón á bílum.

Þetta segir Lúðvík Kristinsson, varðstjóri í umferðardeild lögreglunnar á höfuðborgarsvæðinu, í samtali við mbl.is.

Sláin er yfir fjóra metra að hæð og er ætluð til að vara ökumenn stórra ökutækja við göngu- og hjólabrúnni yfir Miklubraut. 

Tekin var skýrsla af ökumanninum á vettvangi og er málið til skoðunar. 

• Blogga um frétt