Innlent | mbl | 12.9.2024 | 13:32

Lagareldisfrumvarpið ekki lagt fram

Við lok síðasta þingveturs sagði Bjarni að það yrðu vonbrigði ef Bjarkey myndi ekki leggja fram frumvarpið á þinginu sem nú er hafið. Samsett mynd

Frumvarp Bjarkeyjar Olsen Gunnarsdóttur matvælaráðherra um lagareldi verður ekki lagt fram á þessum þingvetri. Á síðasta þingi sagði forsætisráðherra að það yrðu vonbrigði ef hún legði ekki frumvarpið fram.

Á þingmálaskrá ríkisstjórnarinnar fyrir þingveturinn, sem er einnig síðasti þingvetur núverandi ríkisstjórnar, er hvergi að sjá frumvarp Bjarkeyjar um lagareldi.

Á lokametrum síðasta þings varð ljóst að samstaða var ekki innan ríkisstjórnarinnar um málið og því tókst ekki að klára málið á þeim þingvetri.

Frétt af mbl.is

Ólíklegt að Bjarkey leggi fram lagareldisfrumvarp

Frétt af mbl.is

Lagareldisfrumvarpið ekki í gegn á þessu þingi

Bjarni sagði að það yrðu vonbrigði ef málið kæmi ekki

Í kjölfar þess að það varð ljóst í júní sagði Bjarkey í samtali við mbl.is að henni þætti ólíklegt að hún myndi leggja frumvarpið fram á haustþinginu.

Leitað var til Bjarna Benediktssonar forsætisráðherra með viðbrögð við oðrum hennar og þá sagði hann:

„Það væru vonbrigði ef málið kæmi ekki aftur fram. Ég ætla ekkert að segja annað.“