Lítil hæð er yfir landinu og spá veðurfræðingar að léttskýjað verði víða og sólríkt í dag og vindur fremur hægur.
Kalt var í nótt og mældist kuldinn mestur í Eyjafirði þar sem frostið náði 6,8 stigum. Í dag mun hlýna og verður hiti á bilinu 5 til 12 stig. Hlýjast verður á Suðurlandi.
Í kvöld og nótt nálgast lægð úr suðri, það hvessir af austri sunnanlands og fer að rigna þar.
Á morgun verður rigning um mest allt land, en slydda í innsveitum norðaustanlands.