„Þjóðin ber skaðann af þessari framgöngu“
Setja bókamerki
Guðlaugur Þór Þórðarson, umhverfis-, orku- og loftslagsráðherra, segir að þjóðin beri skaða af framgöngu þeirra sem reyni að tefja fyrir grænni orkuöflun.
Skeiða- og Gnúpverjahreppur lagði á miðvikudag inn kæru til úrskurðarnefndar umhverfis- og auðlindamála þar sem farið er fram á að virkjunarleyfi sem Orkustofnun gaf út fyrir vindorkuverið Búrfellslund verði fellt úr gildi.
Þá hafa náttúruverndarsamtökin Náttúrugrið einnig kært virkjunarleyfið sökum gildis svæðisins fyrir útivist ferðamanna.
„Það er ekki hugmyndin með kæruleiðum að menn séu að ná fram einhverjum pólitískum markmiðum. Ef að það er gerlegt og menn ná niðurstöðu í gegnum kæruleiðir til að ná pólitískum markmiðum, þá er það eitt og sér tilefni til endurskoðunar á regluverkinu,” segir Guðlaugur í samtali við mbl.is og bætir við að verið sé að endurskoða regluverkið.
Hvatinn pólitískur
Hann segir að allir sjái að við séum ekki með kæruleiðir í skipulags- og umhverfismálum til þess að aðilar geti náð fram pólitískum markmiðum.
Þannig að þú heldur að hvatinn fyrir kærunum sé pólitískur?
„Það er bara mjög skýrt. Deilum milli sveitarfélaga og sömuleiðis á milli ríkis og sveitarfélaga mun aldrei ljúka. Það er vettvangur til þess að ræða þau mál og takast á um þau og ná samkomulagi. En að búa til reglukerfi til þess að menn geti náð pólitískum markmiðum, það sér hver maður að er ekki gott.“
Grafalvarleg staða
Ertu hræddur um að málið tefjist um of? Við sáum til dæmis aðra kæru frá náttúruverndarsamtökum í morgun.
„Þetta hefur tafið um of. Fólk verður að fara að átta sig á stöðunni í grænorkumálum á Íslandi. Hún er grafalvarleg, það hefur legið fyrir lengi og ég hef lýst þessu yfir og sýnt það með gögnum, orkuspám og öðru líku.
Þjóðin ber skaðann af þessari framgöngu. Það er ábyrgðarhluti að reyna að koma í veg fyrir það að Íslendingar fái græna orku,“ segir Guðlaugur.
Segir vefverslunina mikil vonbrigði
„Það hefði enginn hlaupið undan þessu“
/frimg/5/73/573970.jpg)
60.000 heimili eiga erfitt með að ná endum saman
/frimg/1/51/56/1515678.jpg)
Campbell hrósaði Þórdísi
Stjórnvöld meðvituð um sviðsmyndina
Pútín: Grænt ljós þýddi stríð gegn Rússlandi
Eitt risastökk fyrir geimtúrisma?
Kærur lagðar fram eftir harkaleg slagsmál