Bruninn sem kom upp í rútu í Skutulsfirði í gær verður rannsakaður segir Helgi Jensson, lögreglustjórinn á Vestfjörðum, í samtali við mbl.is.
Aðspurður segist Helgi ekki geta veitt frekari upplýsingar um málið að svo stöddu.
Eldur kom upp í rútu sem keyrði um Tungudal í Skutulsfirði á Vestfjörðum í gær. Rútan varð alelda á skömmum tíma.
Sjónarvottur sagði í samtali við mbl.is í gær að afar litlu hafi munað að rútan hefði farið að loga í Vestfjarðagöngum.