Bifhjólamaðurinn sem lögreglan veitti eftirför frá miðbænum að Mosfellsbæ síðdegis í gær er ekki grunaður um að hafa verið undir áhrifum áfengis- eða vímuefna.
Þetta segir Þóra Jónasdóttir, aðstoðaryfirlögregluþjónn hjá lögreglunni á höfuðborgarsvæðinu, aðspurð.
Maðurinn, sem er á þrítugsaldri, er ekki í haldi lögreglunnar.
mbl.is greindi frá því í dag að hann hefði ekið á köflum á rúmlega 200 km hraða á klst. Lögreglan naut liðsinnis sérsveitarinnar við eftirförina.
Þá kom fram í dagbók lögreglu að maðurinn ætti yfir höfði sér kæru fyrir ýmis umferðarlagabrot.