Nýleg mynd sem gervitunglið Sentinel-2 tók af hraunbreiðunni við Sundhnúkagígaröðina sem hefur myndast síðustu mánuði setur stærð atburðanna í gott samhengi.

Þetta kemur fram í facebookfærslu Eldfjalla- og náttúruvárhóps Suðurlands.

„Grindavík og innviðirnir í Svartsengi blikna í samanburði við hraunið. Bláa lónið þekur svæði sem nemur einungis litlum hluta af hrauntungunni sem ítrekað hefur runnið vestur með varnargarðinum við Svartsengi,“ segir í færslunni en myndin var tekin fyrir helgi.

Myndin af hraunbreiðunni setur stærð atburðanna í gott samhengi. Ljósmynd/Eldfjalla- og náttúruvárhópur Suðurlands

Fram kemur að myndin, sem var tekin fyrir helgi, varpi einnig skýru ljósi á það hvernig varnargarðarnir við Grindavík hafi verndað bæinn fyrir hraunflæði að norðan.

Sömuleiðis er minnst á hversu hraunið sem rann inn fyrir bæjarmörkn í janúar sé agnarsmátt.

Tengdar fréttir

Eldvirkni á Reykjanesskaga

Stjórnvöld meðvituð um sviðsmyndina

• „Skulum rétt vona að brautin lokist ekki“
• Brautin gæti lokast á einum degi
• Allir sammála um að æskilegt væri að opna bæinn
• Tjónið gæti numið 17 milljörðum

» Fleiri tengdar fréttir

• Blogga um frétt