Yazan vakinn á spítala og á leið úr landi
Setja bókamerki
Íslensk yfirvöld sóttu í kvöld Yazan Tamimi, ellefu ára gamlan dreng frá Palestínu með Duchenne-sjúkdóminn, í Rjóðrið, hjúkrunar- og endurhæfingardeild Landspítala fyrir langveik fötluð börn, þar sem hann lá sofandi.
Til stendur að flytja drenginn og fjölskyldu hans úr landi að morgni dags.
Þetta staðfestir Albert Lúðvígsson, lögmaður fjölskyldunnar, í samtali við mbl.is. Skyndimótmæli á vegum No Borders-samtakanna eru hafin á Keflavíkurflugvelli, þar sem brottvísuninni er mótmælt.
Lögregla neitar lögmanni um upplýsingar
Albert frétti af brottvísuninni um miðnætti. Starfsfólk spítalans hafði þá haft samband við réttindagæslumann fatlaðra og tilkynnt honum að lögregla hefði komið og sótt Yazan á spítalann.
Lögregla hefur neitað að veita Alberti upplýsingar um málið. Hefur hún ekki einu sinni staðfest við hann að Yazan og fjölskylda hans hafi verið tekin og að þeim verði vísað burt úr landi í dag.
Hann hefur því ekki fengið upplýsingar frá yfirvöldum um til hvaða lands eigi að flytja Yazan.
Hefur fjölskyldan ekki haft færi á að ræða við Albert með aðstoð túlks.
Forkastanleg vinnubrögð
Albert segir enga nauðsyn kalla á þessar aðgerðir lögreglu, að Yazan, ellefu ára drengur með vöðvarýrnunarsjúkdóm, sé vakinn þar sem hann liggur sofandi á spítala og verði látinn bíða við erfiðar aðstæður í Leifsstöð.
Hann segir þetta harðneskjulega framkvæmd og forkastanleg vinnubrögð.
Þá segir hann það á gráu svæði að honum sé að mestu neitaður aðgangur að sínum skjólstæðingi.
Lát hjóna í Neskaupstað: Ákæra gefin út
Beint: Ný ríkisstjórn tekin við völdum
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
Ók á hóp fólks á jólamarkaði: Einn látinn
Var engin kristnitaka árið 1000?
„Tímabil aukinnar eldvirkni“
