Vinna stendur enn yfir við að girða af og merkja hættuleg svæði innan Grindavíkur. Er sú vinna á vegum Grindavíkurnefndar. Þykir sú vinna nauðsynleg til að koma í veg fyrir möguleg slys eða tjón af völdum þeirrar hættu sem er til staðar.

Þetta kemur fram í tilkynningu Veðurstofunnar þar sem greint er frá breytingum á hættumati.

Helstu breytingarnar snúa að mati á hættu vegna sprunguhreyfinga og jarðfalls ofan í sprungur. Þessar tvær hættur hafa verið lækkaðar fyrir nánast öll svæði.

Heildarhættan fyrir Grindavík er enn metin nokkur en hætta vegna jarðfalls ofan í sprungur er metin hærri, eða töluverð. Hættumatið tekur ekki tillit til mótvægisaðgerða á borð við girðingarvinnu.

„Fyrir utan þá hættu sem Veðurstofan metur eru fleiri þættir sem hafa áhrif á hversu mikil áhætta fylgir því að dvelja innan bæjarins hverju sinni, s.s. takmarkaðar flóttaleiðir, sprunguviðverðir, hús sem geta hrunið, hætta af löskuðum rafstrengjum o.s.frv.“ segir jafnframt í tilkynningunni.

Hættumat Veðurstofu.

Tengdar fréttir

Eldvirkni á Reykjanesskaga

Hraun kemur úr þremur gígum: Virknin stöðug

• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga

» Fleiri tengdar fréttir

• Blogga um frétt