Rannsókn á andláti 10 ára stúlku sem fannst látin við Krýsuvíkurveg á sunnudagskvöld miðar þokkalega áfram. Ekki hefur farið fram geðmat á föður stúlkunnar, sem grunaður er um að hafa banað henni.

„Rannsókninni miðar þokkalega og við höldum henni bara áfram,“ segir Elín Agnes Krist­ín­ar­dótt­ir, aðstoðar­yf­ir­lög­regluþjónn hjá miðlægri rann­sókn­ar­deild lög­regl­unn­ar, spurð út í rann­sókn á and­látinu.

Á fimmtudaginn auglýsti lögregla eftir mynd­efni frá veg­far­end­um sem óku um Krýsu­vík­ur­veg, á milli Valla­hverf­is í Hafnar­f­irði og Vig­dís­ar­valla­veg­ar á milli kl. 13 og 18, sama dag og stúlkan fannst látin.

Spurð hvort að lögreglunni hafi borist mikið myndefni segir Elín: „Við erum búin að fá ábendingar og það er bara verið að vinna úr þeim.“

Frétt af mbl.is

Lögreglan leitar eftir myndefni í tengslum við andlátið

Engar nýjar upplýsingar

Hún bætir þó við að engar nýjar upplýsingar hafi borist en fólk er enn hvatt til að senda lögreglu ábendingar ef það er með einhverskonar myndefni eða annað sem það telur skipta máli.

RÚV greindi í gær frá því að faðir stúlkunnar sem grunaður er um að hafa banað henni hafi verið metinn sakhæfur samkvæmt bráðabirgðageðmati.

Spurð hvort hún geti staðfest þær upplýsingar segir Elín: „Það á eftir að fara fram mat í þessu.“

Frétt af mbl.is

Hátt í 50 í útkallinu við Krýsuvíkurveg

Tengdar fréttir

Manndráp við Krýsuvíkurveg

Gæsluvarðhald framlengt og rannsókn á lokastigi

• Gæsluvarðhald framlengt og rannsókn miðar vel
• Lögregla ekki komin með niðurstöðu úr geðmati
• Engu um að kenna nema handónýtu kerfi
• „Komin þokkaleg mynd af því sem gerðist“

» Fleiri tengdar fréttir

• Blogga um frétt