Maður sem grunaður er um að hafa banað dóttur sinni mun sitja í almennu gæsluvarðhaldi til 21. október. Lögregla notast ekki við einangrun nema það nauðsynlega þurfi og var einangrun mannsins aflétt fyrir helgi.

Þetta segir Grímur Grímsson, yfirlögregluþjónn miðlægrar rannsóknardeildar, við mbl.is

„Henni var aflétt fyrir helgi og við gerum það um leið og við getum, að aflétta einangrun. Enda hefur Ísland verið gagnrýnt fyrir það af erlendum stofnunum að nota einangrun of mikið,“ segir Grímur.

Frétt af mbl.is

Gæsluvarðhald yfir föðurnum framlengt

Ekki yfirheyrður í tæpa viku

Maðurinn er sá eini sem hefur stöðu sakbornings en hann var handtekinn við Krýsuvíkurveg þann 15. september þar sem lík dóttur hans fannst.

Aðspurður segir Grímur línur málsins skýrast með hverjum degi. Þá upplýsir hann að maðurinn hafi ekki verið yfirheyrður í tæpa viku og svarar aðspurður að það séu engar upplýsingar um það að hafa.

„Það er bara eitthvað sem við tökum ákvörðun um, hvenær við teljum yfirheyrslur geta hjálpað til við rannsókn málsins. Það er engin ein skýring á því.“

Tengdar fréttir

Manndráp við Krýsuvíkurveg

Gæsluvarðhald framlengt og rannsókn á lokastigi

• Gæsluvarðhald framlengt og rannsókn miðar vel
• Lögregla ekki komin með niðurstöðu úr geðmati
• Engu um að kenna nema handónýtu kerfi
• „Komin þokkaleg mynd af því sem gerðist“

» Fleiri tengdar fréttir

• Blogga um frétt