Umferðarslysið var útafakstur og bílvelta

Tveir voru í bifreið sem valt og hafnaði utan vegar við Fossá á Skaga fyrr í dag. 

Birgir Jónasson, lögreglustjóri á Norðurlandi vestra, greinir frá þessu í samtali við mbl.is.

„Það stendur yfir vettvangsrannsókn og fulltrúar frá rannsóknarnefnd samgönguslysa koma. Ég veit ekki hvort þeir séu komnir á vettvang. Ég hef ekki upplýsingar um það,“ segir Birgir.

„Þetta er alvarlegt umferðarslys,“ bætir hann við.

Samkvæmt umferdin.is er vegurinn enn lokaður þar sem slysið varð. 

Frétt af mbl.is

Tilkynnt um alvarlegt umferðarslys

Frekari upplýsingar komi frá lögreglu seinna í dag

Lögreglustjórinn tekur fram að tvær manneskjur hafi verið í bílnum.

Er eitthvað vitað um líðan þeirra sem voru í bílnum?

„Ég get ekki staðfest það en þetta er alvarlegt umferðarslys.“

Þá getur Birgir ekki heldur staðfest kyn þeirra sem voru í bílnum eða þjóðerni.

Segir hann að lögreglan á Norðurlandi vestra muni senda frá sér tilkynningu seinna í dag þar sem frekari upplýsingar verði veittar.

• Blogga um frétt