Björn Bjarnason, fyrrverandi ráðherra Sjálfstæðisflokksins, segir Sigmund Davíð Gunnlaugsson, formann Miðflokksins, minna á Georg Bjarnfreðarson, persónu úr gamanþáttaröðinni Næturvaktin. 

Þetta segir Björn í pistli á heimasíðu sinni í kjölfar þess að Sigmundur líkti honum við eins manns „skrímsladeild“ í viðtali í Spursmálum.

Frétt af mbl.is

Segir Björn vera eins manns „skrímsladeild“

Georg Bjarnfreðarson í Fangavaktinni.

„Yfirlæti Georgs með öll háskólaprófin sín“

Sigmundur dró upp þessa viðlíkingu til að svara gagnrýni Björns sem hefur iðulega minnt á að það var undir stjórn Sigmundar sem Ísland gekkst undir Parísarsamkomulagið, bindandi samkomulag um samdrátt í losun gróðurhúsalofttegunda. 

Í pistlinum segir Björn: „Yfirlæti Georgs með öll háskólaprófin sín á bensínstöðinni kemur mér í huga þegar ég les á mbl.is að Sigmundur Davíð Gunnlaugsson hafi endurtekið í sjónvarpsþættinum Spursmál sem blaðið sýnir að ég væri eins manns „skrímsladeild“ í Sjálfstæðisflokknum af því að ég minnti á að Sigmundi Davíð hentaði ekki núna að minnt væri á að hann skrifaði í desember 2015 undir Parísarsamkomulagið um loftslagsmál.“

Hér fyrir neðan má hlusta á Spursmálaþáttinn sem um ræðir í heild sinni:

Tengdar fréttir

Spursmál

Hvenær vill Framsókn ganga til kosninga?

• Segir Björn vera eins manns „skrímsladeild“
• Sauð upp úr milli þingmannanna
• Svandís Svavarsdóttir mun pína Sjálfstæðisflokkinn
• Óvíst hvernig valið verður á lista Miðflokksins

» Fleiri tengdar fréttir

• Blogga um frétt