Eva Hauksdóttir, lögmaður Páls Steingrímssonar, segir að ekki hafi verið tekin afstaða til þess hvort niðurstaða byrlunarmálsins svokallaða verði kærð til ríkissaksóknara.

Lögreglan á Norðurlandi eystra greindi frá því fyrr í dag að málið hefði verið látið niður falla eftir rúmlega þriggja ára rannsókn. 

Frétt af mbl.is

Rannsókn í byrlunar- og símamáli felld niður

Aðspurð segir Eva að niðurstaðan hafi ekki komið sér á óvart. „Þetta er búið að dragast alveg von úr viti. Það er þannig í sakamálum að það eru gerðar ríkar sönnunarkröfur, sem betur fer. Ég get ekki sagt, miðað við framkvæmd á þessum málum og verklag lögreglunnar almennt, að þetta komi neitt sérstaklega á óvart,“ segir hún.

„En það er ýmislegt sem ég hef við þessa rannsókn að athuga. Það er margt sem ég hefði viljað sjá að yrði gert betur. Ég vil hins vegar ekki fara út í þá sálma akkúrat núna.“

Frétt af mbl.is

Miður hve langan tíma rannsóknin tók

Frétt af mbl.is

Tókst ekki að sanna orsakasambandið

Spurð út í óvenju langa facebookfærslu lögreglunnar þar sem gert var grein fyrir niðurstöðunni segir Eva: „Það er óvenjulegt að lesa svona og ég held að það segi alveg sitt. En ég held að það verði hver að túlka það fyrir sig.“

Eva og Páll hafa einn mánuð til að ákveða hvort þau ætla að kæra ákvörðunina til ríkissaksóknara.

Tengdar fréttir

Samherji í Namibíu

Yfirframleiðandinn kominn með stöðu sakbornings

• Synjað um áfrýjun meiðyrðamáls
• Kærur Þórðar Snæs og Aðalsteins endanlega felldar niður
• Fimm manns í tíu daga í Namibíu
• Aðstoða stjórnvöld í Namibíu

» Fleiri tengdar fréttir

Byrlunarmálið

„Síðasta orðið hefur ekki verið sagt“

• Segja rannsókn lögreglu hafa skapað réttaróvissu
• Segir lögreglu sá efasemdum um heilindi
• „Þetta má aldrei gerast aftur“
• Tókst ekki að sanna orsakasambandið

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Þjóðfélag sem er með lappirnar upp í loftið; afvelta.