Lögreglustjórinn á Norðurlandi eystra segir að það liggi fyrir í byrlunarmálinu svokallaða, að einn sakborninga, sem er fyrrverandi eiginkona Páls Steingrímssonar skipstjóra, hafi játað að hafa sett lyf út í áfengi sem hún færði Páli og hann drakk. Nokkrum klukkustundum síðar veiktist hann alvarlega.

Lögreglan segir aftur á móti, að ekki hafi tekist að sanna orsakasamband á milli byrlunar á lyfjum og veikinda Páls með óyggjandi hætti.

Frétt af mbl.is

Rannsókn í byrlunar- og símamáli felld niður

Tekið er fram, að lögreglustjóraembættið telji háttsemina varða við 217. gr. almennra hegningarlaga. Að því gefnu að brotið eigi aðeins undir 217. gr. gæti brotið verið fyrnt sem dómstólar hafi þó endanlegt mat á.

„Ef hægt væri að sanna orsakatengsl milli byrlunar og veikinda brotaþola er ekki líklegt að ákæruvaldinu tækist að sanna ásetning sakbornings til að valda brotaþola þeim skaða sem hann varð fyrir. Þá er vísað til andlegs ástands sakbornings á verknaðarstundu og eftirfarandi veikinda hans. Af framangreindum ástæðum hefur verið ákveðið að hætta rannsókn á þessu sakarefni í málinu,“ segir í tilkynningunni.

Frétt af mbl.is

Miður hve langan tíma rannsóknin tók

Neitaði að undirgangast sakhæfismat

Þá segir lögreglan að hún telji sakarefnið um að dreifa kynferðislegu myndefni af Páli líklegt til sakfellis á hendur fyrrverandi eiginkonu hans. Brotið felst í því að konan sendi sjálfri sér kynferðislegt myndefni af Páli úr síma hans.

„Vegna veikinda sakbornings leikur vafi á um hvort hann hafi verið sakhæfur á verknaðarstundu. Sakborningur hefur hafnað beiðni um að undirgangast sakhæfismat og því hefur verið ákveðið að hætta rannsókn á þessum þætti málsins.“

Tengdar fréttir

Byrlunarmálið

„Síðasta orðið hefur ekki verið sagt“

• Segja rannsókn lögreglu hafa skapað réttaróvissu
• Segir lögreglu sá efasemdum um heilindi
• Óvíst hvort niðurstaðan verður kærð
• „Þetta má aldrei gerast aftur“

» Fleiri tengdar fréttir

• Blogga um frétt