Stjórn félags háskólakennara hefur fengið nóg af sviknum loforðum stjórnvalda. Stjórnin sendi frá sér ályktun um samþykktan kjarasamning til ársins 2028 en samningurinn var samþykktur með 62,8% atkvæða 20. september.

Í ályktun stjórnarinnar segir að fram undan séu áframhaldandi viðræður við stjórnendur Háskóla Íslands á grundvelli bókana í stofnanasamningi. Þar séu mörg viðamikil mál undir sem leysa þurfi á samningstímanum.

Bendir stjórn á þá staðreynd að nær fjórir af hverjum tíu sem greiddu atkvæði hafi kosið gegn samningnum sem sé til marks um mikla og vaxandi óánægju með launa- og starfskjör félagsfólks.

Frétt af mbl.is

Áslaug Arna boðar sókn í háskólamálum

Mikið álag og fjársvelti

Segir þá að bæði álag sé komið fram úr öllu hófi og að viðvarandi fjársvelti Háskóla Íslands komi niður á gæðum kennslu, rannsóknum og þjónustu við nemendur.

Skorar Félag háskólakennara á stjórnvöld að standa við gefið loforð frá árinu 2011 um að fjárfesting í háskólamenntun skuli ná meðaltali OECD-ríkjanna.

Segir að hver ríkisstjórnin á fætur annarri hafi svikið það loforð.

„Það er ekki nóg að flytja innblásnar ræður um gildi menntunar á tyllidögum heldur er nauðsynlegt að búa þannig að menntastofnunum að þær standi undir alþjóðlegum viðmiðum,“ segir í tilkynningunni.

Tengdar fréttir

Kjaraviðræður

„Það er bara góð vinna í gangi“

• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“
• Gera ekki ráð fyrir að samhljómurinn verði rofinn

» Fleiri tengdar fréttir

• Blogga um frétt