Sláandi lítill munur á fylgi Trump og Harris
Setja bókamerki
Tengdar fréttir
Kosningar í Bandaríkjunum 2024
Kamala Harris varaforseti leiðir áfram í könnunum á landsvísu í Bandaríkjunum og er með naumt forskot þegar litið er til kjörmannakerfisins. Í fimm af síðustu níu könnunum í Pennsylvaníuríki eru Harris og mótframbjóðandinn Donald Trump með jafn mikið fylgi.
Þetta kemur fram í yfirferð Hermanns Nökkva Gunnarssonar, blaðamanns á mbl.is og Morgunblaðinu, í Spursmálum í dag.
Harris hefur tveggja prósentustiga forskot á landsvísu samkvæmt samantekt RealClearPolitics og hafa litlar breytingar orðið á því að undanförnu.
Hægt er að hlusta og horfa á Spursmál á Spotify, YouTube og öllum helstu hlaðvarpsveitum.
Allt í járnum í Pennsylvaníu
Hermann minntist á það að frambjóðendur hefðu varið miklum tíma í Pennsylvaníu að undanförnu enda um að ræða það sveifluríki sem er með flesta kjörmenn.
Harris er þar með 0,6 prósentustiga forskot og er það byggt á meðaltali níu kannanna.
Í fimm af síðustu níu könnunum eru báðir frambjóðendur að mælast með jafn mikið fylgi. Trump leiðir í tveimur könnunum og Harris leiðir í tveimur könnunum.
Trump að styrkja sig í Georgíu
Ef litið er til ríkjanna þá fengi Harris 276 kjörmenn en Trump 262 kjörmenn og Harris myndi þar með vinna kosningarnar miðað við mælingar.
Munurinn er þó sláandi lítill. Í fjórum af sjö sveifluríkjum munar innan við prósentustigi á frambjóðendum samkvæmt mælingum.
Trump hefur verið að styrkja sig í Georgíu og er þar með rúmlega tveggja prósentustiga forskot. Í Arizona er hann með 1,6 prósentustiga forskot.
Harris heldur dampi í Michigan
Á sama tíma heldur Harris dampi í Michigan og mælist með hátt í tveggja prósentustiga forskot.
Trump leiðir naumlega í Norður-Karólínu en Harris leiðir naumlega í Wisconsin og Nevada.
Sigurður Ingi Jóhannsson, fjármála- og efnahagsráðherra, sat einnig fyrir svörum í nýjasta þætti Spursmála.
Hér má horfa á þáttinn í heild sinni:
Tengdar fréttir
Kosningar í Bandaríkjunum 2024
Myndskeið: Borgarísjaki birtist óvænt við Blönduós
Yfir 200 skjálftar frá upphafi hrinunnar
Íslenskur læknir: „Hrikalegt að þetta sé hægt“
„Verðum að grípa til ráðstafana sjálf“
Nýr ráðherra segir læsisvanda blasa við
Harðákveðinn í að setjast ekki í helgan stein