„Nú nálgast lægð okkur úr suðri og verður miðja hennar komin nærri suðurströndinni í nótt og fer hún til norðausturs með austurströndinni á morgun“.

Svo segir í hugleiðingum veðurfræðings á Veðurstofu Íslands.

Lægðin stjórnar veðrinu á landinu um helgina, en segir að hún sé grunn, „sérílagi miðað við það sem lægðir við Ísland geta orðið á þessum árstíma“.

Í dag er því útlit fyrir austan og suðaustan 5-13 m/s og rigningu með köflum. Hægari vindur á Norður- og Austurlandi og dálítil slydda eða snjókoma þar eftir hádegi.

Hiti er frá frostmarki í innsveitum fyrir norðan, að 8 stigum á Suðvesturlandi.

Rofar til á morgun

Í fyrramálið eru horfur á austan 5-13 m/s og víða rigning eða slydda, einkum austanlands.

Norðlægari síðdegis á morgun, dregur úr úrkomu og rofar til um landið suðvestanvert.

Hiti verður á bilinu 3 til 10 stig, hlýjast suðvestantil.

Veðurvefur mbl.is. 

Tengdar fréttir

Veður

Varað við vetrarfærð á morgun

• Bjart veður á morgun
• Hauststillur á landinu en breytingar á þriðjudag
• Hátt í 20 gráða hiti á Austurlandi
• Óveðursský hrannast upp

» Fleiri tengdar fréttir

• Blogga um frétt