Símastuldar- og byrlunarmál Páls Steingrímssonar skipstjóra er allt hið sérkennilegasta að mati Jakobs R. Möllers hæstaréttarlögmanns og segir hann í samtali við Morgunblaðið að lögreglan á Norðurlandi eystra hafi áttað sig á því of seint „að hún væri í tómri vitleysu með rannsóknina“ eins og hann komst að orði.

Frétt af mbl.is

Rannsókn í byrlunar- og símamáli felld niður

Jakob segir að útskýringar lögreglunnar á Norðurlandi eystra, um að rannsókn málsins hafi verið látin niður falla þar sem ekki hafi verið hægt að sanna hver afritaði gögn úr símanum, séu sérkennilegar og skipti engu máli.

„Það er vitað hverjir höfðu aðgang að upplýsingunum úr símanum, en það skiptir engu máli hver það var sem afritaði gögn úr símanum,“ segir Jakob og að rannsókn á öðrum þáttum málsins en þeim hver tók símann af Páli meðvitundarlausum eða meðvitundarlitlum skipti engu.

Frétt af mbl.is

„Síðasta orðið hefur ekki verið sagt“

Þeirri spurningu hvort eðlilegt hafi verið af hálfu lögreglunnar að láta það gott heita þegar fyrrverandi eiginkona Páls hafnaði beiðni um að hún gengist undir sakhæfismat svarar Jakob svo að það sé enn eitt dæmið um að rannsóknin hafi frá upphafi verið slík hrákasmíð, að eðlilegast væri nú að láta fara fram rannsókn á starfsháttum lögreglunnar á Norðurlandi eystra. Hún hafi ekki vitað hvað hún var að gera.

Nánari umfjöllun er að finna í Morgunblaðinu í dag.

Tengdar fréttir

Byrlunarmálið

Stefán ætlar ekki að tjá sig um byrlunarmálið

• „Ég mun ekki skipta mér af þeirra störfum“
• Furðar sig á ítarlegum lýsingum á Facebook
• „Síðasta orðið hefur ekki verið sagt“
• Segja rannsókn lögreglu hafa skapað réttaróvissu

» Fleiri tengdar fréttir