Jökulhlaupinu að ljúka

Rafleiðni er nánast komin í eðlileg gildi í Skálm og virðist því jökulhlaupi þar vera að ljúka.

Þetta segir Minney Sigurðardóttir, náttúruvársérfræðingur á Veðurstofu Íslands, í samtali við mbl.is. 

Frétt af mbl.is

Jökulhlaupið í rénun

„Við köllum þetta leka. Þetta er mjög algengur atburður á sumrin. Það er jarðhiti undir jöklinum sem bræðir jökulinn og það gerist hraðar á sumrin og svo koma svona litlar bylgjur út.“

Minney segir að síðan stóra jökulhlaupið átti sér stað í júlí hafi þrisvar sinnum komið upp svona litlir atburðir í Skálm. Hafi það verið í ágúst, svo í byrjun september og að lokum í gær.

Frétt af mbl.is

Heyrðu í almannavörnum sjö tímum fyrir hlaup

Nefnir hún að þetta séu reglulegir atburðir sem gerist á sumrin og haustin.

Í athugasemd á Veðurstofu Íslands var fólk beðið um að sýna aðgát við upptök árinnar og nærri árfarveginum þar sem gasmengun gæti verið á svæðinu en segir Minney að hún muni líklega taka athugasemdina út seinna í dag.

„Það fer eftir því hvernig veður og vindur er þarna á svæðinu en við erum þá aðallega að tala um upptök árinnar við jökulsporðana þar sem gæti verið smá gasmengun en við höfum ekki fengið neinar tilkynningar.“

• Blogga um frétt