Í ágúst síðastliðnum voru 6.100 manns atvinnulausir á landinu.
Þetta kemur fram í árstíðaleiðréttum niðurstöðum vinnumarkaðsrannsóknar Hagstofunnar. Árstíðaleiðrétt hlutfall atvinnulausra var 2,5%. Hlutfall starfandi var 82,3% og atvinnuþátttaka var 84,4%.
Árstíðaleiðrétt atvinnuleysi stóð í stað á milli mánaða, hlutfall starfandi jókst um 1,5 prósentustig og atvinnuþátttaka jókst einnig um 1,5 prósentustig, að því er kemur fram í tilkynningu.