Lát hjóna í Neskaupstað: Geðrannsókn hefur farið fram

Lögreglan á Austurlandi bíður enn eftir gögnum varðandi andlát hjóna á áttræðisaldri í heimahúsi í Neskaupstað í ágúst.

Frétt af mbl.is

Hjón fundust látin í heimahúsi og einn handtekinn

Gæsluvarðhald yfir manninum sem er grunaður um að hafa orðið hjónunum að bana rennur út á föstudaginn og segir Kristján Ólafur Guðnason, yfirlögregluþjónn á Austurlandi, við mbl.is að tekin verði ákvörðun hvort farið verði fram á áframhaldandi gæsluvarðhald yfir honum síðar í vikunni.

Geðrannsókn á þeim grunaða hefur farið fram og þá hefur lögreglan fengið bráðabirgðaniðurstöðu úr krufningu á hjónunum. Kristján segir ekki tímabært að greina frá niðurstöðu þessara mála.

Frétt af mbl.is

„Myndin er alltaf að verða skýrari“

Kristján segir að beðið sé eftir gögnum úr vettvangsrannsókn sem unnin var af tæknideild lögreglunnar á höfuðborgarsvæðinu og gögnum úr DNA-sýnum sem send voru úr landi til rannsóknar. Hann segir að það taki sinn tíma að fá niðurstöðu úr gagnaöfluninni.

• Blogga um frétt