Samningaviðræðum milli samninganefndar Eflingar og Samtaka fyrirtækja í velferðarþjónustu verður haldið áfram klukkan tíu í dag. Fundi var frestað síðdegis í gær, en þá höfðu komið fram hugmyndir að því hvernig mætti leysa deiluna. Sólveig Anna Jónsdóttir formaður Eflingar kvaðst þó ekki geta sagt til um hvort þessar hugmyndir myndu skila ásættanlegum árangri.

Frétt af mbl.is

Viðræðum frestað en hugmyndir komnar

Samninganefnd Eflingar hugðist slíta viðræðunum ef hugmyndir kæmu ekki fram á fundinum í gær og hefja undirbúning verkfallsaðgerða.

„Við erum ekki í deilu sem snýst um launaliðinn. Við í Eflingu, ásamt félögum okkar í breiðfylkingunni, lögðum auðvitað línurnar í vetur sem leið og höldum okkur algjörlega við þær, en förum fram á í mjög vel unninni og í raun mjög knappri kröfugerð að tekið verði á mönnunarvandanum og þeim afleiddu vandamálum sem hann hefur haft í för með sér,“ segir Sólveig í viðtali í Dagmálum í dag.

Spurð hvort ekki sé flóknara fyrir viðsemjandann að leysa mönnunarvanda, frekar en að mæta kröfum er snúa að launaliðnum, segir Sólveig það vera rétt að vissu leyti. Krafan sé þó að einhverju leyti líka einföld því verið sé að fara fram á aukið fjármagn frá ríkinu til að mæta þessum mönnunarvanda og afleiddum vandamálum.

„Við teljum að það sé hlutverk þeirrar ríkisstjórnar sem nú situr að finna leiðir til þess að veita þetta aukna fjármagn inn í þennan rekstur,“ segir Sólveig. 

Lesa má meira um málið í Morgunblaðinu í dag. 

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir