Það bíða margir spenntir eftir tilkynningu frá peningastefnunefnd Seðlabankans en á morgun er vaxtaákvörðunardagur og þá kemur í ljós hvort stýrivextir verði óbreyttir eða verði lækkaðir. Stýrivextir bankans eru í 9,25% og hafa haldist óbreyttir í meira en eitt ár.

„Þetta verður nú bara að fara að hreyfast,“ segir Svandís Svavarsdóttir innviðaráðherra spurð um væntingar hennar varðandi stýrivextina.

Frétt af mbl.is

Spá óbreyttum vöxtum en gætu lækkað í nóvember

Eru ekki öll skilyrði fyrir því að stýrivextir verði lækkaðir?

„Að minnsta kosti þau skilyrði sem hafa verið nefnd. Ábyrgir samningar, lækkandi verðbólga og ábyrg ríkisfjármál. Ég held að það séu allir að skila sínu og ég vonast til þess að Seðlabankinn sé þar líka,“ segir Svandís.

Bæði greiningardeild Íslandsbanka og hagfræðideild Landsbankans spá óbreyttum vöxtum en Íslandsbanki á von á vaxtalækkun í nóvember.

Tólf mánaða verðbólga mælist nú 5,4% og hefur ekki mælst lægri síðan í desembermánuði 2021.

Tengdar fréttir

Vextir á Íslandi

Bjarni: Bankarnir ekki í takt við samfélagið

• Illa þefjandi tuska Íslandsbanka
• Indó lækkar vexti
• „Ekki svigrúm til frekari launahækkana“
• Óttast að fólk fari aftur að eyða peningum

» Fleiri tengdar fréttir

• Blogga um frétt