„Þetta getur ekki verið eðlilegt“
Setja bókamerki
Rafmagnsleysi dagsins í dag verður tekið til umræðu í umhverfis- og samgöngunefnd Alþingis í næstu viku, að sögn nefndarformanns.
Rafmagn sló út á rúmlega hálfu landinu í dag, nánar tiltekið á Austurlandi, Norðurlandi og stórum hluta Vestfjarða. Þá hafði slegið út hjá Norðuráli á Grundartanga sem olli síðan truflunum í flutningskerfum Landsnets og Rariks.
Njáll Trausti Friðbertsson, þingmaður Sjálfstæðisflokksins og nefndarmaður í umhverfis- og samgöngunefnd Alþingis, lagði til í morgun að málið yrði tekið til umfjöllunar í nefndinni.
Stórt öryggismál
Bjarni Jónsson nefndarformaður hefur orðið við þeirri beiðni og gerir ráð fyrir að málið verði tekið fyrir á fundi nefndarinnar næsta þriðjudag.
„Þetta er stórt öryggismál,“ segir Bjarni í samtali við mbl.is. „Þetta getur ekki verið eðlilegt í ljósi þess að það er búið að ráðast í mjög miklar umbætur á dreifikerfinu síðustu misseri. Þess vegna kemur þetta mjög á óvart.“
Hann segist þurfa að fá útskýringu á því hvers vegna rafmagnið hafi slegið út.
„Þessu fylgir töluvert óöryggi fyrir fólk og fyrirtæki. Þetta er bara eitthvað sem er ekki hægt að sætta sig við,“ segir hann, og nefnir í því samhengi að ljós hafi slegið út í Vaðlaheiðagöngum auk þess sem að hætta geti skapast gagnvart fjarskiptaöryggi.
„Sá vegur er bæði háll og myrkur“
„Við höldum áfram þangað til við erum búin“
Ökumaður í símanum valdur að umferðarslysi
Ása Ellerup flutt út og ætlar að selja húsið
Vegirnir voru eins og borðstofuborð
50 milljónir eiga að minnka svindl um 1 milljarð
Pútín reynir allt til að forðast aðra herkvaðningu