Þrír í gæsluvarðhaldi vegna fíkniefnamáls

Þrír voru í dag úrskurðaðir í vikulangt gæsluvarðhald í Héraðsdómi Reykjavíkur á grundvelli rannsóknarhagsmuna í fíkniefnamáli. 

Þetta kemur fram í tilkynningu lögreglunnar á höfuðborgarsvæðinu. 

Fór lögregla fram á gæsluvarðhald yfir þremenningunum sem voru handteknir í gær í þágu rannsóknarinnar.

Hélt lögregla sömuleiðis í húsleitir á höfuðborgarsvæðinu í tengslum við málið og lagði hald á nokkuð magn fíkniefna.

• Blogga um frétt