Örerindi um „mæðrun á tímum nýfrjálshyggju“
Setja bókamerki
Vinstri græn ganga til landsfundar í dag og má búast við einhverjum hasar yfir helgina. Ljóst er að nýr formaður tekur við keflinu og þá er starfandi formaður með mótframboð frá kollega í varaformannsembættið.
Ýmsar tillögur verða teknar fyrir, eins og til dæmis ein um stjórnarslit.
Landsfundur VG verður settur klukkan 16.20 í dag og á morgun verður ný forysta í flokknum kjörin. Dagskráin kennir ýmissa grasa og þar á meðal er dagskrárliður sem nefnist: „Mæðrun á tímum nýfrjálshyggju.“
Kosið klukkan 15.30 á morgun
Svandís Svavarsdóttir er eini frambjóðandinn sem hefur tilkynnt um framboð í formann. Eru því miklar líkur á því að hún taki við keflinu eftir brotthvarf Katrínar Jakobsdóttur af Alþingi, en Guðmundur Ingi Guðbrandsson hefur verið starfandi formaður síðan þá.
Slagur er um varaformannsembættið en Guðmundur Ingi, kjörinn varaformaður og starfandi formaður, fær mótframboð frá Jódísi Skúladóttur alþingismanni.
Þá hefur Hólmfríður Jennýjar Árnadóttir, oddviti Vinstri grænna í Suðurkjördæmi, gefið kost á sér í embætti ritara Vinstri grænna.
Stjórnarkjörið verður klukkan 15.30 á morgun og þá verður ljóst hverjir forystumenn VG verða.
Tillaga um stjórnarslit
Fyrir stjórnarkjörið verður meðal annars dagskrárliður sem nefnist:
„Staða VG eftir sjö ára ríkisstjórnarsamstarf – Hvað hefur gengið vel og hvað hefur gengið illa?“
Að óbreyttu verður tillaga um að slíta ríkisstjórnarsamstarfi Vinstri grænna, Framsóknarflokksins og Sjálfstæðisflokksins lögð fram á landsfundinum.
Afgreiðsla ályktana verður tekin fyrir á sunnudag en áður en landsfundargestir taka það fyrir þá er m.a. dagskrárliður um sunnudagsmorgun sem nefnist „Andað með Andra.“
Hraunið náð Njarðvíkuræð: Fylgjast með raflínu
Hvað gerðist eiginlega í VMA?
Virknin dregist saman um 600 metra
„Erum í miðri hrinu“: Styttist í Eldvörp
Myndir: Grindavíkurvegur aftur undir hraun
Sáu eldgosið brjótast út frá Snæfellsnesi