Séra Herjólfur eða örkin hans Óla
Stefán E. Stefánsson
Setja bókamerki
Margir ráku upp stór augu þegar einn vinsælasti prestur landsins var fyrir skemmstu tilkynntur sem nýr framkvæmdastjóri ferjunnar Herjólfs sem flytur fólk, varning og bifreiðar milli lands og Eyja.
Þar er á ferðinni sr. Ólafur Jóhann Borgþórsson, Eyjamaður, sem senn lætur af embætti sóknarprests í Seljakirkju. Hann hefur starfað á vettvangi þjóðkirkjunnar sem vígður þjónn í 18 ár.
Samhljóða ákvörðun
Stjórn Herjólfs var samhljóma í þeirri ákvörðun að fá klerkinn til starfa.
Þetta kemur fram í nýjasta þætti Spursmála þar sem sr. Ólafur Jóhann fór yfir fréttir vikunnar ásamt Stefáni Einari og Áslaugu Huldu Jónsdóttur.
Í þættinum segist Ólafur Jóhann ekki geta lofað því að lægja öldurnar eins og frelsarinn gerði forðum. En hann segir þó betra að hafa „Jesú með í bátnum“ eins og sungið er um í sunnudagaskólum vítt og breitt um landið.
Örkin hans Óla
Hann segir þó að gárungarnir hafi talað um að nú yrði að nefna Herjólf upp á nýtt. Nú væri réttara að kalla skipið örkina hans Óla. Enn aðrir hafa látið sér detta í hug að halda í nafnið, en kalla hann einfaldlega sr. Herjólf.
Mun einbeita sér að ferjurekstrinum
Ólafur Jóhann segist ekki munu sinna prestsstörfum samhliða framkvæmdastjórastarfinu.
„Ég sagði við prestana, kollegana í Eyjum að ég myndi skilja hempuna eftir í Reykjavík því ég hugsa að framkvæmdastjórastaðan hjá Herjólfi sé fullt starf og rúmlega það. Þannig að ég held að ég verði að leggja hempuna á hilluna og taka sjóstakkinn fram í staðinn.“
Viðtalið við Ólaf Jóhann og Áslaugu Huldu má sjá og heyra í heild sinni í spilaranum hér að neðan:
Auglýsingin var villandi
Bein útsending: Ríkisstjórnarsamstarfið kynnt
Ók á hóp fólks á jólamarkaði: Einn látinn
Ný ríkisstjórn kynnt á morgun
Barn lést í árásinni
Helgi Magnús mætir til starfa í dag
Stóðu skógarþjófa að verki
Funda með þingflokkum