Snjóað gæti suðvestanlands á morgun
Setja bókamerki
Reikna má með lítils háttar snjókomu á Vestfjörðum í nótt. Það sama gildir um utanvert Snæfellsnes.
Frá þessu greinir veðurfræðingurinn Einar Sveinbjörnsson á Bliku.
Segir hann skarpa háloftalægð munu koma af Grænlandi og yfir vestasta hluta landsins á morgun.
„Kjarninn fer hjá suðvestanlands síðdegis á morgun eða annað kvöld. Eins og spáin er nú er braut hans það vestarlega að líklega sleppur að mestu með úrkomu,“ skrifar Einar.
Gæti orðið slydda suðvestanlands
„En hvirfillinn þarf ekki að fara mikið austar til að fá a.m.k. slyddu suðvestanlands um tíma. Svo ekki sé talað um ef hann verður aðeins seinna á ferðinni inn í kvöldið. Þá snjóar.“
Öðru köldu háloftadragi er spáð úr norðri snemma á fimmtudag.
„Það er líklegra til að skila snjó á láglendi og þá víðar um landið norðvestan- og vestanvert eins og spáin er nú.“
„Skyndilega orðinn kokhraustur kvenhatari“
Undir áhrifum og ekki í belti í banaslysi
Fylgismunur leikur á hnífsegg vestanhafs
Allt fullt af glerbrotum og laugin lokuð
Sagði heiminn verða að styðja Ísrael í þágu friðar
Svandís: Skuli stefnt að kosningum í vor
Mikil verðbólga kom á óvart